福建的校風好嗎？

生如夏花

我想問下福建中學校風好唔好？會唔會比較邊個成績好D或者比較邊個屋企有錢D，老師會唔會偏尐？求回應。

2beanbean

回覆 生如夏花 的帖子

我都想知。 好似沒咩人講福建中學。 阿囝8/12 面試。

王家爸爸

觀塘定係小西灣福建中學？

王家爸爸

觀塘福建中學應該有B1C水平，學校運動都唔差，校風好。
小西灣福建中學，除咗中國語文既優良率高於香港平均水平外，其他主科都低過，估計大約係B2C水平。校風唔差。

yovin

生如夏花 發表於 18-11-29 21:16
我想問下福建中學校風好唔好？會唔會比較邊個成績好D或者比較邊個屋企有錢D，老師會唔會偏尐？求回應。 ...

大仔係用家。

校風十分好， 同學好團結。 但 好嚴， 甚至有時集體負責制，即一人錯全班罰⇒因老師師話:其他同學有責任看管/ 提醒 犯錯嘅人 。

罸嘅方法， 又層出不窮 ， 做家長(知情後)可能會笑死！

我個仔 試過 對襪 有白色細logo， 都畀班主任 鬧到喊。 頭髮校服風纪日日check！
你留意下啲女仔校服裙， 全部長到一定 過膝頭 及小腿！

小時了了

yovin 發表於 18-11-30 11:17
大仔係用家。
校風十分好， 同學好團結。 但 好嚴， 甚至有時集體負責制，即一人錯全班罰⇒因老師師話:其他同學有責任看管/ 提醒 犯錯嘅人 。
罸嘅方法， 又層出不窮 ， 做家長(知情後)可能會笑死！
我個仔 試過 對襪 有白色細logo， 都畀班主任 鬧到喊。 頭髮校服風纪日日check！
你留意下啲女仔校服裙， 全部長到一定 過膝頭 及小腿！

果然名不虛傳 -- 嚴!嚴!嚴!....

P.S. 同我前兩年係 Open Day 與同學仔傾談時同學仔都話嚴; 而另一次我去聽簡介會, 係福建中學同鄰居學校嗰條路, 見有班啱啱放學(定係放食午飯)十幾個學生跑出門口, 咁啱有幾位老師食完飯返學校, 見到呢班同學跑出門口, 老師狠狠地當街管教學生, 全部跑嘅學生企定定係度聽訓話

yovin

小時了了 發表於 18-11-30 11:30
果然名不虛傳 -- 嚴!嚴!嚴!....

仲有……谷、谷、谷。

但好友愛的， 我仔遇上 無論老師 和 同學。

王家爸爸

小時了了 發表於 18-11-30 11:30
果然名不虛傳 -- 嚴!嚴!嚴!....

連坐法

小時了了

yovin 發表於 18-11-30 11:31
仲有……谷、谷、谷。

但好友愛的， 我仔遇上 無論老師 和 同學。

仲用, 體育好好的呢!

【羽毛球精英賽】連挫傳統名校　福建中學男女雙揚威學界創校史
https://www.hk01.com/%E5%8D%B3%E6%99%82%E9%AB%94%E8%82%B2/262276/%E7%BE%BD%E6%AF%9B%E7%90%83%E7%B2%BE%E8%8B%B1%E8%B3%BD-%E9%80%A3%E6%8C%AB%E5%82%B3%E7%B5%B1%E5%90%8D%E6%A0%A1-%E7%A6%8F%E5%BB%BA%E4%B8%AD%E5%AD%B8%E7%94%B7%E5%A5%B3%E9%9B%99%E6%8F%9A%E5%A8%81%E5%AD%B8%E7%95%8C%E5%89%B5%E6%A0%A1%E5%8F%B2

「全港學界精英羽毛球比賽」本年度中學男、女子決賽，今日（22日）於彩虹道體育館舉行。福建中學在雙打項目可謂威盡全場，女雙拍檔吳梓程/楊景琳先在四強擊退有上屆女雙冠軍黃曉清在陣的協恩中學，決賽再以局數2：1險勝拔萃女書院代表陳樂怡/藍卓琳；男雙方面，福建中學的劉善熹/湯堅信在決賽輕取元朗信義中學的吳伯禧/林朗峰奪冠。

福建中學以往未曾於羽毛球精英賽任何項目奪冠，今屆男女雙同時捧起桂冠，可謂雙喜臨門。

女雙決賽兩度「刁時」
女雙決賽打得激烈，頭兩局均要打至「刁時」才能分出高下。首局由福建中學吳梓程/楊景琳以22︰20險勝，而第二局則由女拔的陳樂怡/藍卓琳以同樣比數獲勝。
決勝局吳梓程/楊景琳開局順利，打出5：0的領先優勢，但隨後卻被女拔代表反超6：5。然而「吳楊配」並沒有因而陣腳大亂，反而沉着應戰做好網前球準備，最終以21：16擊敗對手。
經過一場如此緊湊的賽事，取得最後勝利的吳梓程及楊景琳不禁互相緊抱，其他為她們打氣的女同學亦一擁而上，一同為這個得來不易的冠軍慶祝。

王家爸爸

yovin 發表於 18-11-30 11:31
仲有……谷、谷、谷。

但好友愛的， 我仔遇上 無論老師 和 同學。

幾年前小朋友去佢哋學校參加比賽，問過下啲學生，所以我知道佢哋谷，亦都知道唔會鬆。但係真係唔知道嚴成咁。

小時了了

yovin 發表於 18-11-30 11:31
仲有……谷、谷、谷。

但好友愛的， 我仔遇上 無論老師 和 同學。

想問吓, 高中S4 依家係咪分英文班及中文班? 如有, 學校係咪以全級名次去決定入英文班抑或係中文班?

yovin

小時了了 發表於 18-11-30 11:49
想問吓, 高中S4 依家係咪分英文班及中文班? 如有, 學校係咪以全級名次去決定入英文班抑或係中文班?
...

中四選科⇒用加權指數去計。

即:主科x2，選科x6，其他科x1。

中四有中、英文班。例如我仔:M1選用 英文，可生物選用中文。
因中文班多國內尖生，有D大一、兩年⇒已經在國內讀哂，所以成績都好。但國內生英文較弱，也是令英文無法在DSE相對地高分的原因。

bobbob

小時了了 發表於 18-11-30 11:49
想問吓, 高中S4 依家係咪分英文班及中文班? 如有, 學校係咪以全級名次去決定入英文班抑或係中文班?
...

你仲記得？

小時了了

bobbob 發表於 18-11-30 12:39
你仲記得？

記得! 因為唔會諗到一間DSE成績唔錯 S1 - S3 係用英文教嘅直資, 高中S4以上會有中文班咁 "特別" 嘛.

通常考直資 (尤其是 B2生) 就係想買個機會可以英文教學嘛 (B2官/津通常係中中).而B1生考直資更加理所當然係想(以為)係英中嘛, 邊樹會諗高中時有機會某啲科要轉 channel 由初中英文教變為中文教學, 連DSE某啲科都要用中文考呢!

生如夏花

回覆 yovin 的帖子

咁我想問下用家朋友，除了標明的學費外，其他雜費多唔多?有無話規定要學乜課外活動?

brima

王家爸爸 發表於 18-11-30 11:42
幾年前小朋友去佢哋學校參加比賽，問過下啲學生，所以我知道佢哋谷，亦都知道唔會鬆。但係真係唔知道嚴成咁 ...

我囝係度讀左6年，去年畢業，冇聽過嚴得咁利害！

我最喜歡學校老師以學生為本，同我密切溝通。小兒畢業後而家讀大學都不時提起老師好有心。

yovin

生如夏花 發表於 18-11-30 15:12
回覆 yovin 的帖子

咁我想問下用家朋友，除了標明的學費外，其他雜費多唔多?有無話規定要學乜課外活動? ...

今年雜费高中$1216(全年)， 已包報紙、雜誌 、旅行 、額外補充、 班會費……

以前初中 包一個課外活動 包一個ipad 唔知而家仲有冇？

學校從來「沒有 」叫家長捐錢 /集資 等事項 。

sukitelfold

yovin 發表於 18-11-30 15:22
今年雜费高中$1216(全年)， 已包報紙、雜誌 、旅行 、額外補充、 班會費……

以前初中 包一個課外活動 包 ...

奬學金出手也很豪爽

yovin

小時了了 發表於 18-11-30 12:49
記得! 因為唔會諗到一間DSE成績唔錯 S1 - S3 係用英文教嘅直資, 高中S4以上會有中文班咁 "特別" 嘛.

通 ...

中文班係for D 英文唔達標(eg: 國內生、 運動員……) 靠成績考入去嗰啲本地學生，大都入英文班。

小時了了

yovin 發表於 18-11-30 15:22
今年雜费高中$1216(全年)， 已包報紙、雜誌 、旅行 、額外補充、 班會費……
以前初中 包一個課外活動 包一個ipad 唔知而家仲有冇？
學校從來「沒有 」叫家長捐錢 /集資 等事項 。

嗰時聽簡介會, 校長話每年有唔少人會捐錢俾學校, 類似 e.g.商會、 同鄉會....嗰啲之類 (校長當時有舉例子, 我唔記得啲名, 依稀記得機構背景)